愛煲老藕 發表於 2022-9-7 21:44
咁佢而家冇得出場機會都有一度好嘅,可以留番d體力,11月就為葡萄牙世界盃,同埋呢段期間肯定唔會受傷先啦 ...
所以佢依家咪情願踎喺曼聯度等世界盃囉, 但係如果佢出場少, 國家領隊會唔會搵佢踢都係問題喎{:sweat:}
史高拉李 發表於 2022-9-8 11:42
所以佢依家咪情願踎喺曼聯度等世界盃囉, 但係如果佢出場少, 國家領隊會唔會搵佢踢都係問題喎
...
咁呢個唔使擔心,我諗國家領隊唔夠薑,唔選佢入去踢世界盃,唔驚葡萄牙國民嘈到拆天,佢好多fans㗎！淨係喺IG,湯告魯斯,劉德華加埋都冇佢咁多呀
愛煲老藕 發表於 2022-9-8 21:52
咁呢個唔使擔心,我諗國家領隊唔夠薑,唔選佢入去踢世界盃,唔驚葡萄牙國民嘈到拆天,佢好多fans㗎！淨係喺IG ...
尋晚半夜曼聯卒之喺歐霸盃輸波{:sweat:}
史高拉李 發表於 2022-9-9 09:51
尋晚半夜曼聯卒之喺歐霸盃輸波
史高拉李大哥會唔會歐霸盃採取放棄態度,大雞唔食細米,專心打好聯賽呀？
愛煲老藕 發表於 2022-9-9 21:46
史高拉李大哥會唔會歐霸盃採取放棄態度,大雞唔食細米,專心打好聯賽呀？
一出反c朗同馬古尼做正選就輸波, 你話佢兩個係咪黑仔呀{:sweat:}
我諗唔會嘅.打歐霸盃得到冠軍可以撥入去歐聯下線嚟打㗎嘛., 咁最低限度都收返啲收视費呀{:tongue:}
如果好彩數嘅, 畀佢得到歐聯冠軍, 真係乜嘢都返返嚟喇{:tongue:}
史高拉李 發表於 2022-9-10 15:52
一出反c朗同馬古尼做正選就輸波, 你話佢兩個係咪黑仔呀
歐聯冠軍就窄窄哋啦！我諗三年內都冇可能,但係其實講令球迷失望,利物浦其實仲令人更加失望
愛煲老藕 發表於 2022-9-10 22:05
歐聯冠軍就窄窄哋啦！我諗三年內都冇可能,但係其實講令球迷失望,利物浦其實仲令人更加失望 ...
仲有係車仔都好令人失望{:tongue:}
史高拉李 發表於 2022-9-11 12:19
仲有係車仔都好令人失望
車仔我反而預咗成績唔好,因為阿布走咗之後,睇到佢哋氣數已盡,我就話佢五年來都唔會好似以前咁叻,始終阿布唔只係老細,仲喺車仔嘅吉祥物
愛煲老藕 發表於 2022-9-11 21:05
車仔我反而預咗成績唔好,因為阿布走咗之後,睇到佢哋氣數已盡,我就話佢五年來都唔會好似以前咁叻,始終阿布 ...
英超之所以搞到依家咁亂, 都係阿布一手造成嘅{:sweat:}
史高拉李 發表於 2022-9-12 15:37
英超之所以搞到依家咁亂, 都係阿布一手造成嘅
史高拉李大哥意思係咪因為阿布亂咁買人,將d球員嘅身價同人工,抬高好多半
愛煲老藕 發表於 2022-9-12 21:35
史高拉李大哥意思係咪因為阿布亂咁買人,將d球員嘅身價同人工,抬高好多半 ...
咪就係囉, 唔係佢第一年點會攞到英超冠軍JET, 頭一年成隊正選同副選粒粒皆星{:sad:}
史高拉李 發表於 2022-9-13 11:29
咪就係囉, 唔係佢第一年點會攞到英超冠軍JET, 頭一年成隊正選同副選粒粒皆星
...
我覺得阿布喺車路士咁多年,最失敗嘅就再重申請番摩連奴,大把錢唔一定要再請返佢啫！請番佢,咪即係承認自己炒佢係錯誤
愛煲老藕 發表於 2022-9-13 21:24
我覺得阿布喺車路士咁多年,最失敗嘅就再重申請番摩連奴,大把錢唔一定要再請返佢啫！請番佢,咪即係承認自 ...
所以卒之咪搞到眾叛親離囉{:sweat:}
史高拉李 發表於 2022-9-14 17:16
所以卒之咪搞到眾叛親離囉
睇番而家車路士嘅人腳,一定唔夠曼城,利物浦打,贏唔贏到熱刺都唔一定,今年目標入四強打下屆歐聯,都已經收貨
愛煲老藕 發表於 2022-9-14 21:37
睇番而家車路士嘅人腳,一定唔夠曼城,利物浦打,贏唔贏到熱刺都唔一定,今年目標入四強打下屆歐聯,都已經收 ...
其實睇返曼聯嘅c朗都好鳩慘㗎, 淪為大後備, 好心佢啦, 都一把年紀啦, 仲同啲後生爭位踢, 又唔係冇錢, 退休吧啦{:sweat:}
喺網上睇返歐霸曼聯對皇家蘇斯達既過程, 睇見c朗跑唔旭果種情形, 都櫈佢心噏{:sweat:}
史高拉李 發表於 2022-9-15 12:22
其實睇返曼聯嘅c朗都好鳩慘㗎, 淪為大後備, 好心佢啦, 都一把年紀啦, 仲同啲後生爭位踢, 又唔係冇錢, 退 ...
咁都幾難喇！C朗佢覺得自己仲有心有力,我諗佢起碼踢多兩年,先會考慮退休
愛煲老藕 發表於 2022-9-15 21:43
咁都幾難喇！C朗佢覺得自己仲有心有力,我諗佢起碼踢多兩年,先會考慮退休 ...
如果你有睇歐霸盃嗰場波, 你就會對c朗改觀嘅啦, 根本佢踢到都有心無力, 我情願佢今屆喺曼聯踢到滿約就退休, 都可以青史留名, 如果踢多兩年都係咁就遺臭萬年{:tongue:}
史高拉李 發表於 2022-9-15 12:27
喺網上睇返歐霸曼聯對皇家蘇斯達既過程, 睇見c朗跑唔旭果種情形, 都櫈佢心噏
...
佢心諗梗係揸流灘啦！橫掂冇正選踢,留番d力踢世界盃好過
史高拉李 發表於 2022-9-16 12:00
如果你有睇歐霸盃嗰場波, 你就會對c朗改觀嘅啦, 根本佢踢到都有心無力, 我情願佢今屆喺曼聯踢到滿約就退 ...
佢肯定到世界盃嗰陣時一定搏晒命,佢差唔多所有杯嗰個攞齊哂,淨係差呢個,但係我諗佢應該發夢就可以,真實一定攞唔到
愛煲老藕 發表於 2022-9-16 21:51
佢心諗梗係揸流灘啦！橫掂冇正選踢,留番d力踢世界盃好過
咁除非係葡萄牙國家隊個領隊係盲先選佢入國家隊嘅啫{:tongue:}
愛煲老藕 發表於 2022-9-16 21:53
佢肯定到世界盃嗰陣時一定搏晒命,佢差唔多所有杯嗰個攞齊哂,淨係差呢個,但係我諗佢應該發夢就可以,真實一 ...
你睇下今季c朗冇一間大球會肯接收佢, 就知道佢退步得幾犀利喇{:sad:}
史高拉李 發表於 2022-9-17 12:30
你睇下今季c朗冇一間大球會肯接收佢, 就知道佢退步得幾犀利喇
我諗最主要原因係佢人工真係過高,如果佢收順一d,我諗都會仲有球會要佢,因為佢賣波衫都會賺到好多錢
史高拉李 發表於 2022-9-17 12:24
咁除非係葡萄牙國家隊個領隊係盲先選佢入國家隊嘅啫
咁佢一定選佢都得啦,因為葡萄牙而家冇乜邊個有經驗嘅領軍人物,加上唔選C朗,肯定好多佢嘅粉絲嘈到拆天
愛煲老藕 發表於 2022-9-17 21:16
我諗最主要原因係佢人工真係過高,如果佢收順一d,我諗都會仲有球會要佢,因為佢賣波衫都會賺到好多錢 ...
美斯都肯減人工啦, 係佢唔肯減啫, 死唔認老{:mad:}
愛煲老藕 發表於 2022-9-17 21:17
咁佢一定選佢都得啦,因為葡萄牙而家冇乜邊個有經驗嘅領軍人物,加上唔選C朗,肯定好多佢嘅粉絲嘈到拆天 ...
冇法子啦, 青黃不接, 所以我今屆都係睇好法國隊同埋巴西隊{:victory:}
史高拉李 發表於 2022-9-18 14:42
美斯都肯減人工啦, 係佢唔肯減啫, 死唔認老
咁美斯d態度不嬲好過佢,品格都係,純技術都係美斯好d
史高拉李 發表於 2022-9-18 14:44
冇法子啦, 青黃不接, 所以我今屆都係睇好法國隊同埋巴西隊
今屆我睇好荷蘭,比利時,我揀兩隊,從未攞過世界盃嘅球隊
愛煲老藕 發表於 2022-9-18 20:32
咁美斯d態度不嬲好過佢,品格都係,純技術都係美斯好d
南美洲啲人係比較純樸啲嘅{:tongue:}
愛煲老藕 發表於 2022-9-18 20:34
今屆我睇好荷蘭,比利時,我揀兩隊,從未攞過世界盃嘅球隊
荷蘭不嬲生成係二奶命{:lol:}