續人妻出軌二三事
「Mark，愛你⋯⋯愛你⋯⋯」我抓實阿Mark㩒住床褥嚟支撐身體嘅手臂，一邊喘氣，一邊叫佢嚟舒發我嘅興奮。
「慧姐，我都愛你！」
阿Mark將我對腳掛喺佢兩邊膊頭，急促抽插，準備射精。
由互相69做前戲開始，已經做咗超過半個鐘頭，嘗試咗幾個唔同嘅體位，我叫床都叫到有啲喉乾。
佢履行未正式結婚前唔要BB嘅承諾，嘅我小肚射精之後，就趴喺我身上，同我接吻，直至筋疲力竭。
～～～～
復合之後我同阿Mark生活上，同教育囡囡方法上面偶有小拗撬，整體上都係和諧，大家分工合作，一齊打理好屋企。性生活上面，一個月雖然只係得四、五次，我哋都把握機會，更加珍惜對方，每次都盡情投入，如膠似漆，有時我想佢向我施虐，只要唔過分，佢都會稍稍滿足我，令大家務必有一個靈慾相通，淋漓盡致嘅性愛。
～～～～
我工作嘅努力無白費，咖啡室嘅業務一直有增長，我秉承自己一貫師作風，積極同客人打好關係，累積咗唔少熟客，部份係男人，「一點綠」係其中一個，唔知點打聽到我喺呢間舖做咖啡師，經常落嚟，佢個仔已經上咗中學，唔需要跟出跟入，無咗時間規限，好多時喺度坐大半日。
我同佢已成過去，待佢同其他熟客一樣，不過有時頑皮心起，喺佢在場之下，我刻意冷落佢，改同其他客人多傾一兩句，雖然唔係打情罵俏，但係「一點綠」見到，佢面上邊複雜嘅表情，令我覺得好有趣。
但係惡作劇係要代價嘅，我嘅挑釁，激發「一點綠」對我態度越嚟越黐纏，唔知佢用乜嘢方法去擺脫老婆，好多時接近黃昏先嚟到，一杯咖啡接一杯，拖拉到我收舖，要陪我一齊走，仲試過幾次失驚無神喺咖啡室唔遠嘅地方等我放工，嚇到我走番入咖啡室，急call阿Mark嚟接我走。
「唔好再玩佢喇，會玩出火㗎！」
阿Mark薄責我。
「哈哈⋯⋯」
我埋個頭喺佢手臂，繞到佢實，幸福咁同佢行返屋企。
～～～～
提起啲熟客，確實有十個八抱住碰機會心態，除咗摟我傾偈，仲不時想約會我，其中一兩個本身無論外型、職業同背景，各方面條件唔錯，就算我點推佢哋，甚至表明我有親蜜嘅男朋友，佢哋都契而不捨，真誠想結識我。以一個咖啡師嚟講，當然係希望客人目的只係欣賞我沖泡嘅咖啡，而唔係想藉機會嚟親近我啦。
唯一要提及嘅係一個工作上面嘅伙伴。幾年嚟，咖啡室嘅文書、行政工作都係木谷公司派一位小姐嚟負責，佢每個月嚟一次舖頭，但兩三個月前，佢帶咗一個同事過嚟，係個男仔，佢約莫四十歲，又或者多少少，樣貌斯斯文文，仲有啲怕醜咁。
「佢係Ian，我嘅上司，我嘅經理，以後由代替我！」
佢嚟過幾次之後，原先個女仔做完嘢，帶佢埋嚟櫃面，向我介紹。
我奇怪呢間細規模嘅舖頭，無端端會換一個咁高級嘅人嚟做呢啲工作。不過對我嚟講，邊一個人都無分別，我都係如常將啲單據佢，然後由佢坐埋一角，做佢嘅嘢，有問題先招手叫我埋去傾。但係佢好多時離遠偷望我，呢啲眼神同當年「一點綠」想結識我一模一樣。嚟過幾次之後，除咗公事，佢終於鼓起勇氣，開始滲入一啲其他話題，又講吓行山，又講吓睇戲，只要無客人需要招待，我都樂意同佢傾吓，同阿Mark生活咗幾年，雖然唔沉悶，亦都一心一意對佢，不過有人想結識自己，證明自己仲有吸引力，都係一件開心事。
～～～～
我返工要輪班，一星期起碼有四晚夜班，感激阿Mark佢犧牲佢打波、見朋友嘅機會，放咗工就返屋企照顧囡囡。
幸好囡囡受到阿Mark薰陶，鐘意咗籃球，每次阿Mark去練習，或者比賽，只要佢唔使忙學校嘅功課同溫習，就跟埋出去，阿Mark亦都樂意帶住佢，介紹俾佢啲朋友認識，真係好似兩父女咁。
雖然係咁，只要我唔使當夜班，就盡番應有嘅責任，照顧番家庭，鼓勵阿Mark留低我同囡囡，留番啲佢嘅私人空間俾佢，去出席佢朋友之間嘅約會。
～～～～-
直至有一日，我收到一個短訊⋯⋯
「Hi！」
只係有短短一個字嘅訊息，足以令到我心跳加速。
我呆呆望住手機屏幕足足有半分鐘，猶豫應唔應該回覆，一個簡單嘅問題，喺我腦裡面循環兜轉咗無數次，變得好難決定。
同事輕輕敲吓工作台，提醒有客人等待緊，我咬一咬牙，就即刻投入番工作。
招待完客人，我又忍唔住匿埋一邊，打開番個短訊，又再定神睇住「H」「i」兩個英文字母。
Leo，一個已經好幾年音訊全無，一直無聯絡嘅人，佢嘅容貌，同佢親熱嘅影像，重新湧現腦裡面。
幾年前佢返嚟渡假，喺咖啡室同我見過一面，相聚咗超過兩個鐘頭，感覺時間好短，雖然唔捨得，都迫於無奈，最後都要匆匆分別，跟住就再無相見，連佢停留咗幾耐，邊一日走都唔知，之後再無接到佢嘅消息。
猶豫咗一段時間，我終於回覆番佢一句「Hi」。
嗰日我心神恍惚，集中唔到精神，不停思佢幾時再會回覆我，為咗乜嘢再搵我。
「想你！」
Leo幾個鐘頭後先回應我。
「我憎死你呀！」
我第一時間將對佢嘅怨懟發洩出嚟。
「我知自己值得你憎恨⋯⋯」
「我已經忘記咗你，點解你仲要搵我！」
希望忘記咗佢，但實際上佢仲喺我內心隱藏。
「呢幾年我為自己根基打拼，乜都無理，亦無返過去你嗰邊，如果你真係想忘記我，咁你唔好再回覆我，或者直接封鎖咗我！」
Leo盡力解釋。
「你咁樣係折磨我，你明明只係玩弄我，放低咗咁多年，點解仲要撩番起我嘅情緒？！」
「我當年係玩玩吓，但喺嗰一刻，我真係喜歡過你，而且好似你一樣，我一直忘記唔到你，而且係與日俱增！」
「我⋯⋯我⋯⋯唔想再同你有牽連，拜拜！」
我心好亂，想靜落嚟諗吓。
～～～～
同我有過不倫關係嘅幾個人，木谷已經過世，Leonard遠調咗去南美洲做嘢，大家只係每年講句生日快樂，「一點綠」自從發現我做咗咖啡師，都經常嚟咖啡室消磨大半日，對每一位嚟買我咖啡飲嘅顧客一樣，我會為佢提供我能夠沖出最好嘅咖啡，再無其他。
唯獨Leo，我希望佢喺我記憶中消失，但事實我做唔到，只係壓抑自己唔去想佢。
頁:
[1]