愛煲老藕 發表於 2022-7-31 21:41
呢間海港總店我就冇去過,嗰頭我淨係去過稻香,史高拉李大哥,稻香而家執咗笠未呀？ ...
大埔呢間總店係喺超級城個便搬返過嚟寶湖花園之嘛, 大埔稻香仲係度{:tongue:}
史高拉李 發表於 2022-8-1 12:48
大埔呢間總店係喺超級城個便搬返過嚟寶湖花園之嘛, 大埔稻香仲係度
...
咁大埔都幾旺喎！新達商場,大埔超級城都成日人山人海,真係除咗沙田新城市之外,新界區大埔佢哋最旺
愛煲老藕 發表於 2022-8-1 21:21
咁大埔都幾旺喎！新達商場,大埔超級城都成日人山人海,真係除咗沙田新城市之外,新界區大埔佢哋最旺 ...
係呀, 除咗上水同埋沙田新城市廣場多人外, 大埔超級城就係第三撻人流最多嘅地方{:tongue:}
史高拉李 發表於 2022-8-2 13:07
係呀, 除咗上水同埋沙田新城市廣場多人外, 大埔超級城就係第三撻人流最多嘅地方
...
而家冇咗自由行,大埔超級城上唔上到第二位呀？
愛煲老藕 發表於 2022-8-3 22:04
而家冇咗自由行,大埔超級城上唔上到第二位呀？
疫情關係, 依家大埔超級城平時真係靜英英㗎, 只係星期六日就比較多人啲{:sweat:}
史高拉李 發表於 2022-8-4 11:07
疫情關係, 依家大埔超級城平時真係靜英英㗎, 只係星期六日就比較多人啲
...
我都好耐冇去過大埔超級城,以前最鍾意去地下有一間食馬來餐廳嘅,都唔知執咗笠未
愛煲老藕 發表於 2022-8-4 21:51
我都好耐冇去過大埔超級城,以前最鍾意去地下有一間食馬來餐廳嘅,都唔知執咗笠未 ...
執咗好耐囉{:tongue:}
史高拉李 發表於 2022-8-5 16:33
執咗好耐囉
我仲記得好鍾意去親嗰度,一係食海南雞飯,一係食燒雞餐跟意粉,貪佢哋嗰度坐得舒服,搵位又容易
愛煲老藕 發表於 2022-8-5 22:22
我仲記得好鍾意去親嗰度,一係食海南雞飯,一係食燒雞餐跟意粉,貪佢哋嗰度坐得舒服,搵位又容易 ...
你依家只可以回憶往事嘅啫{:tongue:}
史高拉李 發表於 2022-8-6 10:14
你依家只可以回憶往事嘅啫
我記得大埔以前好似仲有醉瓊樓㗎！史高拉李大哥而家仲有冇呀
very good.thank for your sharing
愛煲老藕 發表於 2022-8-6 22:17
我記得大埔以前好似仲有醉瓊樓㗎！史高拉李大哥而家仲有冇呀
執咗九世喇{:lol:}
史高拉李 發表於 2022-8-7 11:57
執咗九世喇
唔好話大埔醉瓊樓,旺角醉瓊樓都好似冇咗,我諗都係全線執哂笠,史高拉李大哥當年你同阿嫂結婚擺酒嗰間酒樓,仲有冇喺度呀
愛煲老藕 發表於 2022-8-7 22:47
唔好話大埔醉瓊樓,旺角醉瓊樓都好似冇咗,我諗都係全線執哂笠,史高拉李大哥當年你同阿嫂結婚擺酒嗰間酒樓, ...
旺角醉瓊樓都冇咗好耐啦, 但係唔知長沙灣元州邨對面嗰間醉瓊樓同埋南昌街福榮街口嗰間醉瓊樓有冇執到我就唔知{:tongue:}
史高拉李 發表於 2022-8-8 10:42
旺角醉瓊樓都冇咗好耐啦, 但係唔知長沙灣元州邨對面嗰間醉瓊樓同埋南昌街福榮街口嗰間醉瓊樓有冇執到我就 ...
史高拉李大哥 ,福榮街嗰間醉瓊樓,係咪近住添好運？
愛煲老藕 發表於 2022-8-8 22:22
史高拉李大哥 ,福榮街嗰間醉瓊樓,係咪近住添好運？
唔近添好運, 南昌街果間醉瓊樓咪就喺南昌街公廁對面囉{:tongue:}
史高拉李 發表於 2022-8-9 10:48
唔近添好運, 南昌街果間醉瓊樓咪就喺南昌街公廁對面囉
咁應該冇咗,上次好似經過完全唔覺眼,以前食過旺角醉瓊樓,最好食係鹽焗雞,不過好似泉章居更加好食
愛煲老藕 發表於 2022-8-9 21:43
咁應該冇咗,上次好似經過完全唔覺眼,以前食過旺角醉瓊樓,最好食係鹽焗雞,不過好似泉章居更加好食 ...
咁可能真係執咗啦, 因為嗰度地方好細, 點做得住丫{:sweat:}
依家MK伊利莎伯大廈嗰間泉章居啲出品就渣過撚啦, 以前喺深水埗北河街與巴域街交界嗰間泉章居啲出品就好食, 講客家菜好食不離以前深水埗石硤尾街大南街口嗰間一定好客家酒樓好食, 個碟梅菜扣肉真係食到我耳都喐埋呀{:tongue:}
史高拉李 發表於 2022-8-10 14:43
咁可能真係執咗啦, 因為嗰度地方好細, 點做得住丫
梅菜扣肉飯好肥㗎喎！我諗就算而家佢未執笠,史高拉李大哥你都唔敢再食啦！另外旺角奶路臣街嗰泉章居都執咗笠,而家搵食真係艱難呀
愛煲老藕 發表於 2022-8-10 21:47
梅菜扣肉飯好肥㗎喎！我諗就算而家佢未執笠,史高拉李大哥你都唔敢再食啦！另外旺角奶路臣街嗰泉章居都執 ...
嗰間一定好執咗好耐喇, 因為拆樓吖嘛, 呢間一定好D酸梅菜扣肉係肥而不腻, 就算食四五嚿都唔覺得漏架, 依家我就梗係唔夠膽食喇, 我係講以前呀{:tongue:}
旺角嗰間泉章居梗係做唔住啦, 出品又唔好食, 招呼仲好差添{:sweat:}
史高拉李 發表於 2022-8-11 10:10
嗰間一定好執咗好耐喇, 因為拆樓吖嘛, 呢間一定好D酸梅菜扣肉係肥而不腻, 就算食四五嚿都唔覺得漏架, 依 ...
史高拉李大哥講開嗰d酒樓,你有冇睇一單新聞有幾個大叔,五個人,上去稻香,七十九蚊埋單,不單止唔覺得核突,仲覺得好威,完全唔知個醜字點寫
https://www.hk01.com/%E7%86%B1%E7%88%86%E8%A9%B1%E9%A1%8C/801125/5%E5%A4%A7%E5%8F%94%E6%B7%A8%E9%A3%9F2%E5%80%8B%E7%A8%BB%E9%A6%99-1%E9%AE%91%E9%AD%9A%E9%9B%9E%E7%85%B2-%E5%9F%8B%E5%96%AE%E5%83%85-79-%E7%B6%B2%E6%B0%91%E6%96%A5%E8%82%89%E9%85%B8-%E9%81%8E%E6%84%8F%E5%BE%97%E5%8E%BB?fbclid=IwAR2mEOrMtEakOPwBEes74uY8_vn1TY9TPkg3MrLJ3IQkyWvlQ79ngpGebF0
愛煲老藕 發表於 2022-8-11 22:15
史高拉李大哥講開嗰d酒樓,你有冇睇一單新聞有幾個大叔,五個人,上去稻香,七十九蚊埋單,不單止唔覺得核突, ...
哦...尼啲事我見慣啦, 唔覺得出奇喎, 早幾年稻香做過優惠一蚊一隻雞, 我喺上水稻香見過有兩公婆叫左一隻雞, 兩碗白飯埋單落樓, 真係五十蚊有找{:lol:}
亦係上水稻香見過兩公婆叫咗個56蚊豬骨煲湯底火鍋, 埋單九十蚊有找{:tongue:}
本帖最後由 愛煲老藕 於 2022-8-12 22:09 編輯
史高拉李 發表於 2022-8-12 08:28
哦...尼啲事我見慣啦, 唔覺得出奇喎, 早幾年稻香做過優惠一蚊一隻雞, 我喺上水稻香見過有兩公婆叫左一隻 ...
史高拉利大哥唔同啦！你講嗰兩單case,佢哋兩對夫妻,都唔會覺得自己好威嘛！而且有一對起碼叫兩碗白飯,呢五條大叔根本就天生自卑,又窮又燶以為咁樣好叻,而家比人嘲笑,乜面都冇哂啦!重點就係嗰兩對夫婦,冇好似五位大叔pose上網咁戇鳩嘛{:titter:}{:titter:}
愛煲老藕 發表於 2022-8-12 22:05
史高拉利大哥唔同啦！你講嗰兩單case,佢哋兩對夫妻,都唔會覺得自己好威嘛！而且有一對起碼叫兩碗白飯,呢五 ...
其實香港好多人都係貪便宜食呢啲優惠餐, 佢哋諗住好過自己買餸煮吖嘛{:lol:}
史高拉李 發表於 2022-8-13 10:24
其實香港好多人都係貪便宜食呢啲優惠餐, 佢哋諗住好過自己買餸煮吖嘛
...
咁兩樣我揀,一係揀任食火鍋,一係食呢d套餐咁我情願揀呢d優惠餐,不過我一定會嗌多兩三個餸,叫多個燉湯,或者粟米魚肚羹
愛煲老藕 發表於 2022-8-13 22:06
咁兩樣我揀,一係揀任食火鍋,一係食呢d套餐咁我情願揀呢d優惠餐,不過我一定會嗌多兩三個餸,叫多個燉湯,或 ...
我好多時都同小三兩母女去稻香或者明星食呢啲優惠餐嘅, 食親都五六個嘅特價餸, 埋單起碼幾百蚊{:tongue:}
史高拉李 發表於 2022-8-14 10:47
我好多時都同小三兩母女去稻香或者明星食呢啲優惠餐嘅, 食親都五六個嘅特價餸, 埋單起碼幾百蚊 ...
係呀！食特價餸冇問題㗎？但係唔好五個人叫一蚊嘅雞煲叫兩個咁核突,仲要放埋上網,比人感覺好似鄉下佬出城咁
愛煲老藕 發表於 2022-8-14 22:10
係呀！食特價餸冇問題㗎？但係唔好五個人叫一蚊嘅雞煲叫兩個咁核突,仲要放埋上網,比人感覺好似鄉下佬出城 ...
佢哋咁搞到自己好似係成班乞衣咁{:titter:}
史高拉李 發表於 2022-8-15 11:41
佢哋咁搞到自己好似係成班乞衣咁
係呀！呢五個乞衣食到好盡㗎！通常有d孤寒女人同個老公去,點都叫番個白灼蝦,或者例湯,都冇咁核突
愛煲老藕 發表於 2022-8-15 21:25
係呀！呢五個乞衣食到好盡㗎！通常有d孤寒女人同個老公去,點都叫番個白灼蝦,或者例湯,都冇咁核突 ...
總之一樣米養百樣人啦, 真係見怪不怪{:tongue:}