【齊齊學識棕】EP3︰電子商貿 全賴物流
【齊齊學識棕】EP3︰電子商貿 全賴物流「細時冇讀書，大個做運輸？」作為消費者，可能較少接觸物流業，以為物流只係搬運，係一個基層男人、粗口橫飛嘅世界。其實電子商貿興起，物流業日趨高增值化，例如元朗洪水橋一個專門處理網購貨品嘅物流倉，透過認證服務，為貨品「驗明正身」。此外，其實一件貨品要送到客人手上亦唔係淨係「上貨、出車、落貨」，背後亦有唔少包裝、分類嘅工作。呢個物流倉就聘請咗約60名員工，以原區就業嘅基層婦女為主，亦有初出茅廬、因見到電子商貿興起而投身該行嘅年輕人。但係依家香港土地不足，有人建議收回物流倉呢啲棕地，用嚟興建房屋，而原本嘅貨倉，就搬入多層工業大廈。該物流公司負責人就話「上樓」嘅租金成本會上升差唔多一倍，最終可能消費者都要一齊承受。
https://www.youtube.com/watch?v=Mgtv0c2NUeM
頁:
[1]