史高拉李 發表於 2022-2-1 14:37
哦...你講嗰間係青山道尾星輝戲院吖嘛, 其實以前深水埗仲有好多戲院嘅添, 繼有荔枝角道石硤尾街口明星戲 ...
嘩！史高拉李大哥你真係好勁,以上你講d戲院除咗星輝,我有少少印象,全部都未聽過,我最記得細路仔年代睇戲最開心,就係門口有好多小販賣熟食,真係有得睇有得食,都唔知幾過癮
愛煲老藕 發表於 2022-2-1 23:08
嘩！史高拉李大哥你真係好勁,以上你講d戲院除咗星輝,我有少少印象,全部都未聽過,我最記得細路仔年代睇戲 ...
咁我睇你應該係80後囉{:tongue:}
果時我睇戲鍾意食煨魷魚, 生腸墨魚, 雞腳{:tongue:}
史高拉李 發表於 2022-2-2 10:08
咁我睇你應該係80後囉
史高拉李大哥真係醒,我係80後,講開嗰d小販,我聽嗰d同事講,以前拉小販係冇食環署,差佬做埋㗎喎！係咪堅㗎？
愛煲老藕 發表於 2022-2-2 23:29
史高拉李大哥真係醒,我係80後,講開嗰d小販,我聽嗰d同事講,以前拉小販係冇食環署,差佬做埋㗎喎！係咪堅㗎 ...
係呀, 你啲同事冇講錯呀, 以前拉小販係差佬做埋㗎{:tongue:}
史高拉李 發表於 2022-1-30 11:26
以前福榮街有間叫做美而廉餐廳, 啲嘢都ok嘅, 可惜依家執咗笠啦
而家叫馬德里，啲嘢食都OK既。
史高拉李 發表於 2022-2-1 14:37
哦...你講嗰間係青山道尾星輝戲院吖嘛, 其實以前深水埗仲有好多戲院嘅添, 繼有荔枝角道石硤尾街口明星戲 ...
重有京華戲院
史高拉李 發表於 2022-2-3 09:59
係呀, 你啲同事冇講錯呀, 以前拉小販係差佬做埋㗎
史高拉李大哥咁我想問當年差佬拉小販,做事方式同態度,係咪好過而家既食環署呢？
mini169 發表於 2022-2-3 10:06
而家叫馬德里，啲嘢食都OK既。
mini169C兄,你都好熟悉深水埗嘅食肆,我想問而家仲有冇椰汁大王喺黃金對面呀？
mini169 發表於 2022-2-3 10:08
重有京華戲院
mini169Ｃ兄,京華戲院好似係咪係東京街？
mini169 發表於 2022-2-3 10:08
重有京華戲院
京華戲院係喺灣仔喎師兄{:lol:}
愛煲老藕 發表於 2022-2-3 22:59
史高拉李大哥咁我想問當年差佬拉小販,做事方式同態度,係咪好過而家既食環署呢？ ...
梗唔係啦, 兇神惡煞咁㗎, 連人連貨咁推上去豬籠車㗎{:mad:}
史高拉李 發表於 2022-2-4 11:37
梗唔係啦, 兇神惡煞咁㗎, 連人連貨咁推上去豬籠車㗎
咁而家呢班食環署真係食屎嘅,見到嗰個小販高大或者金毛,就唔夠膽發告票,見到d年紀大嘅或者係女人就蝦蝦霸霸,發告票仲要態度惡劣,所以食環署係咁多個政府部門最多人投訴
愛煲老藕 發表於 2022-2-4 23:04
咁而家呢班食環署真係食屎嘅,見到嗰個小販高大或者金毛,就唔夠膽發告票,見到d年紀大嘅或者係女人就蝦蝦霸 ...
蝦著我就仆街啦, 肯定玩死佢{:lol:}
愛煲老藕 發表於 2022-2-3 23:08
mini169C兄,你都好熟悉深水埗嘅食肆,我想問而家仲有冇椰汁大王喺黃金對面呀？ ...
呢間我無留意啊
愛煲老藕 發表於 2022-2-3 23:25
mini169Ｃ兄,京華戲院好似係咪係東京街？
無錯，就係東京街元州街交界，即係而家公廁個位
mini169 發表於 2022-2-5 20:46
呢間我無留意啊
椰汁大王喺電訊盈科隔離,我通常食完魚蛋燒賣牛雜,就整杯椰子汁
史高拉李 發表於 2022-2-5 12:15
蝦著我就仆街啦, 肯定玩死佢
咁肯定唔夠膽玩史高拉李大哥啦！呢班咁嘅蠶豆,你一個眼神,佢哋都淆晒底
愛煲老藕 發表於 2022-2-5 23:10
咁肯定唔夠膽玩史高拉李大哥啦！呢班咁嘅蠶豆,你一個眼神,佢哋都淆晒底
交警我都係咁玩啦{:lol:}
史高拉李 發表於 2022-2-4 11:34
京華戲院係喺灣仔喎師兄
灣仔個間京都戲院，京華係SOGO對面，即而家京華中心，東京街個間都係叫京華
史高拉李 發表於 2022-2-6 11:09
交警我都係咁玩啦
史高拉李大哥可唔可以講下點玩d交察呀？
sowest 發表於 2022-2-6 11:33
灣仔個間京都戲院，京華係SOGO對面，即而家京華中心，東京街個間都係叫京華 ...
咁可能有京华我嗰時仲未出世啦{:lol:}
本帖最後由 史高拉李 於 2022-2-7 09:48 編輯
愛煲老藕 發表於 2022-2-6 22:53
史高拉李大哥可唔可以講下點玩d交察呀？
哦...話說某年我喺觀塘海濱路過馬路, 冇依紅綠燈而过, 畀條騎住隻蛤蚧摩托車嘅交警喝我停低, 問我做乜唔依燈号過馬路係咪想死, 但係我記得過馬路前我睇過兩邊係冇車嚟緊, 我先至過囉, 冇理由戇鳩鳩要等轉咗綠燈先至過㗎嘛, 我知自己雖然係唔啱, 但係嗰條交警串撚過頭, 話要告我不小心過馬路要罰款, 當時我又著得好撚嬲休, 成個工廠仔咁, 嗰條交警問我一個月搵幾多錢呀, 我話我學緊司, 冇人工㗎, 佢話我唔理得你呀, 叫我攞個身份證出嚟, 但係佢只係睇咗一睇, 跟住畀番我就騎住隻蛤蚧走人, 真係笑撚死, 條差佬走咗後, 其他過馬路嘅人咪話佢仆撚街囉, 兩邊冇車行仲企喺度等轉燈, 係唔係傻撚咗呀{:lol:}
史高拉李 發表於 2022-2-7 09:26
咁可能有京华我嗰時仲未出世啦
咪扮00後呀下{:titter:}
史高拉李 發表於 2022-2-7 09:46
哦...話說某年我喺觀塘海濱路過馬路, 冇依紅綠燈而过, 畀條騎住隻蛤蚧摩托車嘅交警喝我停低, 問我做乜唔依 ...
咁呢條膠警真係屎忽痕冇嘢做,擺明想玩嘢,好彩史高拉李大哥你唔驚佢啫！呢隻咁隻烏龜,唔係又死死氣地走咗去,冇銀用
sowest 發表於 2022-2-7 19:12
咪扮00後呀下
依家嗰間公廁咁細間, 豈不是嗰間戲院好細囉, 真係唔覺眼喎{:tongue:}
愛煲老藕 發表於 2022-2-7 23:01
咁呢條膠警真係屎忽痕冇嘢做,擺明想玩嘢,好彩史高拉李大哥你唔驚佢啫！呢隻咁隻烏龜,唔係又死死氣地走咗 ...
最撚仆街嗰時係夜晚九點幾鐘呀嘛, 真係鬼影都冇隻, 你話有乜理由戇鳩鳩喺度等轉燈過馬路呀, 我預撚咗同佢玩嘢㗎, 佢寫告票我我咪唔交罰款囉, 等佢告上法庭, 我咪搵律師同佢玩下囉, 罰錢之嘛, 玩鳩謝佢都好格, 等佢返去交通部畀佢老頂屌餐懵{:lol:}
史高拉李 發表於 2022-2-8 11:02
最撚仆街嗰時係夜晚九點幾鐘呀嘛, 真係鬼影都冇隻, 你話有乜理由戇鳩鳩喺度等轉燈過馬路呀, 我預撚咗同佢 ...
哈哈！海濱道嗰頭係工廠區嚟㗎喎！夜晚九點鐘唔係人來人往,呢條膠警真係食飽飯冇屎屙,呢啲咁嘅懵炳,肯定成世都頂晒籠,升到盡都係安慰柴
愛煲老藕 發表於 2022-2-8 23:14
哈哈！海濱道嗰頭係工廠區嚟㗎喎！夜晚九點鐘唔係人來人往,呢條膠警真係食飽飯冇屎屙,呢啲咁嘅懵炳,肯定 ...
你諗下佢騎住嗰隻蛤蚧得250cc嘅摩托車就已經知佢有幾多料啦{:lol:}
史高拉李 發表於 2022-2-8 10:54
依家嗰間公廁咁細間, 豈不是嗰間戲院好細囉, 真係唔覺眼喎
戲院應該係隔離個私家樓嘅位置
sowest 發表於 2022-2-9 15:25
戲院應該係隔離個私家樓嘅位置
係咪西岸商業大廈呀, 但係嗰度冇可能有間戲院嘅喎, 樓下係商舖同埋有間杜偉雄西醫診所{:tongue:}